కానిస్టేబుల్ ప్రాథమిక రాత పరీక్ష రాయటానికి ఎస్.ఎస్.ఎన్ ఇంజనీరింగ్ కాలేజీకి వచ్చిన మహిళా అభ్యర్థినికి 6 నెలల బేబీ ఉంది. ఆ బేబీని ఆమె యొక్క భర్త వద్ద వదిలి పరీక్ష రాయటానికి లోపలి వెళ్ళింది. కొద్దిసేపటికి ఆ బేబీ ఏడుపు కేకలు అధికం కాగా, సదరు వ్యక్తి ఏమీ చేయలేని పరిస్థితిలో డయల్ 112 కు కాల్ చేసి సమాచారం అందించారు. ఆ సమాచారం అందుకున్న కంట్రోల్ రూమ్ పోలీస్ అధికారులు ప్రకాశం జిల్లా ఎస్పీ శ్రీమతి మలిక గర్గ్ ఆదేశాల మేరకు ఆ పరీక్ష కేంద్రం వద్ద విధులు నిర్వహిస్తున్న అధికారులకు సమాచారం అందించారు. వెంటనే స్పందించిన SN పాడు ఎస్సై బి.శ్రీకాంత్ మరియు మహిళా హెడ్ కానిస్టేబుల్ పరమేశ్వరి బేబీని దగ్గర తీసికొని పాలు అందించారు.