భూముల రీ సర్వేలో భాగంగా పెండింగ్ లో ఉన్న భూముల పరిష్కారంలో తేడాలు వస్తే సహించేది లేదని తహసిల్దార్ మహమ్మద్ నయీమ్ అహ్మద్ తెలిపారు. స్థానిక తహసిల్దార్ కార్యాలయంలో సోమవారం వీఆర్వోలు ,విలేజ్ సర్వేయర్లతో భూముల రీసర్వేపై సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ మండలంలో 12 గ్రామాల్లో డ్రోన్ కెమెరా ద్వారా తీసిన భూముల ఛాయ చిత్రాలు వచ్చాయని, వాటి ద్వారా భూముల వివరాలు తెలుసుకొని రెండు సమానంగా ఉంటేనే వారికి తెలియజేసి సమస్యను పరిష్కరించాలన్నారు. అలా లేనియెడల ఆ సమాచారాన్ని అధికారులకు తెలియజేయాలన్నారు. భూముల సమస్య తీవ్రంగా ఉన్నట్లయితే పెండింగ్లో పెట్టాలన్నారు. తద్వారా గ్రామాల్లో గ్రామసభ ఏర్పాటు చేసి భూముల యజమానులను పిలిపించి సమస్యను సామరస్యంగా పరిష్కరించాలన్నారు. రీ సర్వేలో తేడాలు వస్తే అట్టి వారిపై కఠిన చర్యలు తీసుకోవడం జరుగుతుందన్నారు. ఈ కార్యక్రమంలో డిప్యూటీ తహసిల్దార్ జి పుల్లారెడ్డి, రీ సర్వే డిప్యూటీ తహసిల్దార్ టి రవికాంత్, సీనియర్ అసిస్టెంట్ పోగుల శేషగిరిరావు, మండల సర్వేయర్ శివ ప్రసాద్, వీఆర్వోలు, విలేజ్ సర్వేయర్లు తదితరులు పాల్గొన్నారు.
