సనత్ నగర్ నవంబర్ 4,(జే ఎస్ డీ ఎం న్యూస్ ) : నియోజకవర్గంలోని వివిధ ప్రాంతాల్లో నెలకొన్న మురికి నీటి సమస్యలపై మాజీ మంత్రి, NDMA మాజీ ఉపాధ్యక్షులు, బీజేపీ జాతీయ కౌన్సిల్ సభ్యులు మర్రి శశిధర్ రెడ్డి ఖైరతాబాద్ లోని జలమండలి కార్యాలయంలో MD అశోక్ రెడ్డి ని కలిశారు.
ఈ సందర్భంగా శశిధర్ రెడ్డి MD కి వినతిపత్రం అందజేసి, పలు సమస్యలను ఆయన దృష్టికి తీసుకెళ్లారు..
- రాంగోపాల్ పేట్ డివిజన్ – ఆవులమంద వివేకానంద స్ట్రీట్:
గత కొన్ని నెలలుగా అసంపూర్తిగా మిగిలిపోయిన డ్రైనేజీ పనులను వెంటనే పూర్తి చేయాలి. - రంగ్రేజీ బజార్:
పెండింగ్ లో ఉన్న డ్రైనేజీ పనులు పూర్తి చేయకుండానే రోడ్డు పనులు చేయడం వల్ల మళ్లీ మళ్లీ డ్రైనేజీ లీకేజీ సమస్య వస్తోంది. - మెక్ లాన్ గూడ్:
ప్రతిరోజూ డ్రైనేజీ లీకేజీలు ఏర్పడి మురికి నీరు రోడ్లపైకి వస్తోంది. అదే ప్రాంతంలో నల్లాల్లో కలుషిత నీటి సరఫరా సమస్య కూడా ఉంది. - సికింద్రాబాద్ కంటోన్మెంట్:
కంటోన్మెంట్ ప్రాంత మురికి నీటిని క్లాసిగూడ నాలాకు బదులుగా పికెట్ నాలాలో కలపాలని కోరారు. ఈ సమస్యలతో ప్రజలు తీవ్ర ఇబ్బందులు పడుతున్నారని, వెంటనే ఆయా సమస్యలను పరిష్కరించాలని MD ని శశిధర్ రెడ్డి డిమాండ్ చేశారు.
ఈ కార్యక్రమంలో మహంకాళి – సికింద్రాబాద్ జిల్లా ప్రధాన కార్యదర్శి నెమలి ఆనంద్ , రాంగోపాల్ పేట్ డివిజన్ అధ్యక్షులు సందీప్ వర్మ , ఇతర బీజేపీ నాయకులు వి. దయానంద రావు, శ్రీనివాస్ యాదవ్, కిరణ్, బి. వికాస్, కె. నరేష్ తదితరులు పాల్గొన్నారు.
Save or share this story as a newspaper-style Epaper Clip:
